Kun tartibida: referendum mohiyati va xizmat intizomi
Qashqadaryo viloyati Koson, Muborak, Kasbi, Mirishkor IIBlarida “Yangilanayotgan Konstitutsiya inson huquqlarining mustahkam asosi” va shaxsiy tarkib o‘rtasida xizmat intizomi va qonunchilikni mustahkamlash, xodimlar o‘rtasida turli korrupsion hamda favqulodda ro‘y beradigan salbiy holatlarni oldini olish, bu borada belgilangan chora-tadbirlar ijrosiga bag‘ishlangan yig‘ilish bo‘lib o‘tdi.
Ko‘lami keng tadbirda viloyat ichki ishlar boshqarmasi boshlig‘i o‘rinbosari, podpolkovnik Zavqiddin Xo‘janov va IIV SHXBB Qashqadaryo viloyati bo‘yicha boshqarmasi boshlig‘i podpolkovnik Temur Bayjanovlar so‘zga chiqib, “O‘zbekiston Respublikasining Referendumi to‘g‘risida”gi va “O‘zbekiston Respublikasi Konstitutsiyasi to‘g‘risida”gi Konstitutsiyaviy Qonun loyihasi va bosh qomusimizga kiritilayotgan normalarga alohida to‘xtalib, ularning ahamiyati to‘g‘risida ishtirokchilarga batafsil ma’lumotlar berishdi.
Shuningdek, ichki ishlar organlari xodimlari tomonidan xizmat intizomi va qonunchilikka rioya etish, faoliyat davomida korrupsion va favqulodda holatlar sodir etilishini oldini olish, “xodimbay” ishlarni yanada kuchaytirish, shaxsiy tarkibning oila a’zolari bilan mustahkam aloqa o‘rnatish ko‘plab ko‘ngilsizlarni oldini olishga xizmat qilishi ishtirokchilarga tushuntirildi.
Bu boradagi targ‘ibot tadbirlari davom ettirilmoqda.
